Սպանության սպառնալիքներ տվողը ներկայացել է ոստիկանություն

«Հետախուզում-2018» օպերատիվ-կանխարգելիչ միջոցառման շրջանակներում ոստիկանության Կենտրոնական բաժնի ծառայողների բացատրական աշխատանքների շնորհիվ հունիսի 11-ին՝ ժամը 14.30-ին, կամավոր բաժին է ներկայացել 1978 թ. ծնված Արման Գ.-ն, որը հունիսի 8-ից հետախուզվում էր ՀՀ քրեական օրենսգրքի 137-րդ հոդվածի 1-ին մասի մեղադրանքով (Սպանության, առողջությանը ծանր վնաս պատճառելու կամ գույք ոչնչացնելու սպառնալիքը):
Արման Գ.-ն ներկակացվել է Կենտրոն և Նորք-Մարաշ վարչական շրջանների քննչական բաժին: