Խարդախության, պաշտոնեական կեզծիքին հանցակցելու և փաստաթղթերի կեղծման մեղադրանքներով հետախուզվողը՝ Մոսկվա-Երևան չվերթով

«Հետախուզում 2018» օպերատիվ-կանխարգելիչ միջոցառման շրջանակներում ոստիկանության Էրեբունու բաժնի ծառայողների բացատրական աշխատանքների շնորհիվ հունիսի 11-ին՝ ժամը 22.15-ին Մոսկվա-Երևան չվերթի ինքնաթիռի ժամանումից հետո «Զվարթնոց» օդանավակայանից կամավոր բաժին է ներկայացել 1958 թ. Շնված Տիգրան Ս.-ն, որը մարտի 16-ից հետախուզվում էր ՀՀ քրեական օրենսգրքի 178-րդ հոդվածի 1-ին մասի (Խարդախությունը), 38-314 հոդվածի (Պաշտոնեական կեղծիքին հանցակցելը) և 325-րդ հոդվածի 1-ին մասի (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների պետհամարանիշներ կեղծելը, իրացնելը կամ օգտագործելը) մեղադրանքներով: