Սեւանի բաժնի կողմից հետախուզվողը հայտնաբերվեց Արմավիրում

Նոյեմբերի 12-ին,  ժամը 11.40-ին,  ոստիկանության ՔՀԳՎ, Արմավիրի մարզային վարչության և    Արմավիրի բաժնի քրեական հետախույզների  համատեղ ձեռնարկած օպերատիվ-հետախուզական միջոցառումների շնորհիվ Արմավիր քաղաքի Չարենցի փողոցից ոստիկանության Արմավիրի  բաժին բերման է ենթարկվել  28-ամյա Գեղամ Հ.-ն, որը 2019 թ. նոյեմբերի 11-ից ոստիկանության Սևանի բաժնի կողմից հետախուզվում էր ՀՀ քրեական  օրենսգրքի  243.1-րդ հոդվածի (Տրանսպորտային միջոցներ վարելու իրավունքից զրկված անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը)  1-ին մասի մեղադրանքով: