Ոստիկանները հետախուզվողների են հայտնաբերել

Ոստիկանության Շենգավիթի բաժնի ծառայողների ձեռնարկած օպերատիվ-հետախուզական միջոցառումների շնորհիվ օգոստոսի 7-ին, ժամը 09.10-ին, Շիրակի փողոցից բաժին բերման է ենթարկվել Աշոտ Թ.-ն, որը հետախուզվում էր ՀՀ քրեական օրենսգրքի 185-րդ հոդվածի (Գույքը դիտավորությամբ ոչնչացնելը կամ վնասելը) 1-ին մասի մեղադրանքով:
Խափանման միջոցը՝ ստորագրություն:

***
Ոստիկանության Մալաթիայի բաժնի ծառայողներն իրացնելով ստացված օպերատիվ տվյալները, ոստիկանության Վայքի բաժնի ծառայողների հետ ձեռնարկած միջոցառումներով, օգոստոսի 7-ին, ժամը 21.20-ին, Վայոց ձորի մարզի Սարավան գյուղում հայտնաբերել և բերման են ենթարկել Մարատ Ս.-ին, որը հետախուզվում էր ՀՀ քրեական օրենսգրքի 177-րդ հոդվածի (Գողությունը) 1.1-րդ մասի մեղադրանքով:
Խափանման միջոցը՝ ստորագրություն:

***
Ոստիկանության «Զվարթնոց» օդանավակայանի գծային բաժնի ծառայողները, ավիացիոն անվտանգության ծառայության աշխատակիցների հետ համատեղ ստացված օպերատիվ տվյալներն իրացնելիս, օգոստոսի 7-ին, ժամը 18.10-ին, Մոսկվա-Երևան չվերթի ինքնաթիռի ժամանումից հետո, «Զվարթնոց» օդանավակայանի գծային բաժին բերման են ենթարկել Լեյլի Մ.-ին, որը փետրվարի 6-ից ոստիկանության Կենտրոնական բաժնի կողմից հետախուզվում էր ՀՀ քրեական օրենսգրքի 178-րդ հոդվածի (Խարդախությունը) 3-րդ մասի 1-ին կետի մեղադրանքով:
Խափանման միջոցը՝ ստորագրություն:
Հետախուզվողի հայտնաբերման մասին հայտնվել է հետախուզումը նախաձեռնողին: