Հայտնաբերվել են հետախուզվող անձինք

Ոստիկանության Կենտրոնական բաժնի քրեական հետախույզները, իրացնելով ստացված օպերատիվ տվյալները, հունվարի 7-ին, ժամը 08.25-ին, Մուրացանի փողոցում հայտնաբերել և բաժին բերման են ենթարկել Արթուր Կ.-ին, որը հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) 2-րդ մասի մեղադրանքով:
Խափանման միջոցը՝ ստորագրություն:

***
Ոստիկանության Արարատի բաժնի քրեական հետախույզները, ստացված օպերատիվ տվյալներն իրացնելիս, հունվարի 7-ին, ժամը 08.30-ին, Վանաշեն գյուղի Հ. Մակարյան փողոցում հայտնաբերել և բաժին բերման են ենթարկել Նարեկ Ք.-ին, որը հետախուզվում էր ՀՀ քրեական օրենսգրքի 339-րդ հոդվածի (Ցուցմունք տալուց հրաժարվելը) 1-ին մասի մեղադրանքով:
Խափանման միջոցը՝ կալանք:

***
Ոստիկանության Սիսիանի բաժնի ծառայողների ձեռնարկած միջոցառումների շնորհիվ հունվարի 7-ին, ժամը 13.00-ին, Այնթապ գյուղի 14-րդ փողոցում հայտնաբերվել և բաժին է բերման ենթարկվել Ղազար Բ.-ն, որը հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) 1-ին մասի մեղադրանքով:
Խափանման միջոցը՝ ստորագրություն:

***
Ոստիկանության Սևանի բաժնի ծառայողների ձեռնարկած միջոցառումների շնորհիվ հունվարի 7-ին, ժամը 18.30-ին, Ռոստով-Երևան չվերթի ինքնաթիռի ժամանումից հետո «Զվարթնոց» օդանավակայանի ժամանման սրահից բաժին բերման է ենթարկվել Վահե Մ.-ն, որը հետախուզվում էր ՀՀ քրեական օրենսգրքի 118-րդ հոդվածի (Ծեծը) մեղադրանքով:
Խափանման միջոցը՝ ստորագրություն:

***
Ոստիկանության Կոտայքի բաժնի ծառայողները, ստացված օպերատիվ տեղեկություններն իրացնելիս, հունվարի 7-ին, ժամը 14.39-ին, Արտաշատ քաղաքի Կենտրոնական շուկայում հայտնաբերել և բաժին բերման են ենթարկել Սարգիս Գ.-ին, որը հետախուզվում էր ՀՀ քրեական օրենսգրքի 177-րդ հոդվածի (Գողությունը) 2-րդ մասի 2-րդ և 3-րդ կետերի մեղադրանքով:
Հետախուզվողը տեղափոխվել է ՀՀ ԱՆ քրեակատարողական հիմնարկ:

***
Ոստիկանության Եղեգնաձորի բաժնի ծառայողները, ստացված օպերատիվ տվյալներն իրացնելիս, հունվարի 7-ին, ժամը 22.30-ին, Եղեգնաձոր քաղաքի Միկոյան փողոցում հայտնաբերել և բաժին բերման են ենթարկել ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) 2-րդ մասի հատկանիշներով հետախուզվող Գրիշա Ն.-ին։
Խափանման միջոցը՝ ստորագրություն: