Հետախուզվողը հայտնաբերվեց Զովունի գյուղում
![Հետախուզվողը հայտնաբերվեց Զովունի գյուղում Հետախուզվողը հայտնաբերվեց Զովունի գյուղում](/timthumb?src=/resources/police/img/news/big/1637047920-5179.jpeg&q=75&w=780&wm=1)
Ոստիկանության Մաշտոցի բաժնի քրեական հետախույզների ու համայնքային ոստիկանների համատեղ ձեռնարկած միջոցառումների շնորհիվ նոյեմբերի 15-ին Կոտայքի մարզի Զովունի գյուղի տներից մեկում հայտնաբերվել և բաժին բերման է ենթարկվել 49-ամյա Արմենակ Ա.-ն, որը հոկտեմբերի 4-ից հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ ստորագրություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: