Արաբկիրի ոստիկանները հետախուզվողին հայտնաբերեցին օդանավակայանում
20.12.2021 12:45
Հետախուզվողի հայտնաբերում
![Արաբկիրի ոստիկանները հետախուզվողին հայտնաբերեցին օդանավակայանում Արաբկիրի ոստիկանները հետախուզվողին հայտնաբերեցին օդանավակայանում](/timthumb?src=/resources/police/img/news/big/1639989969-1679.jpeg&q=75&w=780&wm=1)
Ոստիկանության Արաբկիրի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ դեկտեմբերի 19-ին Մոսկվա-Երևան չվերթի ինքնաթիռի ժամանումից հետո «Զվարթնոց» օդանավակայանից բերման է ենթարկվել 28-ամյա Սերգեյ Մ.-ն, որը նոյեմբերի 11-ից հետախուզվում էր ՀՀ քրեական օրենսգրքի 325-րդ հոդվածի (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշեր կեղծելը, իրացնելը կամ օգտագործելը) մեղադրանքով:
Սերգեյ Մ.-ն ներկայացվել է վարույթն իրականացնող մարմնին:
Խափանման միջոցը՝ ստորագրություն:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: