Խարդախության մեղադրանքով հետախուզվողներ են հայտնաբերվել

Օգոստոսի 26-ին, ժամը 17.30-ին, ոստիկանության ՔՈԳՎ և Շենգավիթի բաժնի ծառայողների համատեղ ձեռնարկած միջոցառումների շնորհիվ Արտաշատի խճուղում հայտնաբերվել և բերման է ենթարկվել Նարեկ Ա.-ն, որը օգոստոսի 12-ից Նոր Նորքի բաժնի կողմից հետախուզվում էր ՀՀ քրեական օրենսգրքի 178-րդ հոդվածի (Խարդախությունը) 1-ին, և նույն հոդվածի 2-րդ մասի 1-ին կետի մեղադրանքով:
Խափանման միջոցը՝ կալանք:

***
Ոստիկանության ՔՈԳՎ և Նոր Նորքի բաժնի ծառայողների ձեռնարկած համատեղ միջոցառումների շնորհիվ օգոստոսի 26-ին, ժամը 15.45-ին, Էջմիածին քաղաքում հայտնաբերվել և բերման է ենթարկվել Աշոտ Ս.-ն, որը 2020 թ. մայիսի 1-ից Նոր Նորքի բաժնի կողմից հետախուզվում էր ՀՀ քրեական օրենսգրքի 178-րդ հոդվածի (Խարդախությունը) 3-րդ մասի 1-ին կետի մեղադրանքով:
Խափանման միջոցը՝ կալանք: