Պարեկները Կոմիտասի պողոտայում հետախուզվողի են հայտնաբերել

Ոստիկանության պարեկային ծառայության Երևանի գնդի ծառայողների ձեռնարկած միջոցառումների շնորհիվ հոկտեմբերի 30-ին Կոմիտասի պողոտայում հայտնաբերվել և Կենտրոնական բաժին բերման է ենթարկվել 30-ամյա Սամվել Գ.-ն, որը հունիսի 25-ից հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ ստորագրություն: