Հետախուզվողը խոստովանական բացատրություն է տվել այլ գողությունների վերաբերյալ

Ոստիկանության Կոտայքի բաժնի ծառայողները, իրացնելով օպերատիվ տեղեկությունները, հոկտեմբերի 23-ին Աբովյան քաղաքի Հանրապետության փողոցից բերման են ենթարկել 38-ամյա Էրիկ Ե.-ին, որը սեպտեմբերի 7-ից ոստիկանության Արաբկիրի բաժնի կողմից հետախուզվում էր ՀՀ քրեական օրենսգրքի 177-րդ (Գողությունը) և 34-177-րդ (Գողության փորձը) հոդվածների մեղադրանքով:
Խափանման միջոցը՝ ստորագրություն:
Էրիկ Ե.-ն ներկայացվել է ոստիկանության Արաբկիրի բաժին, որտեղ ՔՀԲ ծառայողների բացատրական աշխատանքի շնորհիվ խոստովանական բացատրություն է տվել, որ մայիսի 15-ին և հունիսի 9-ին գողություն է արել Երևանի Ազատության պողոտայի հագուստի խանութից: Ձեռնարկվում են միջոցառումներ՝ տուժողին և գողոնը հայտնաբերելու ուղղությամբ:
Նախապատրաստվում են նյութեր: