Մալաթիայի ոստիկանները Էրեբունու բաժնի կողմից հետախուզվողի են հայտնաբերել

Ոստիկանության Մալաթիայի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ օգոստոսի 28-ին Հարավարևմտյան թաղամասում հայտնաբերվել և բաժին բերման է ենթարկվել 42-ամյա Արմեն Ս.-ն, որը հունիսի 11-ից ոստիկանության Էրեբունու բաժնի կողմից հետախուզվում էր ՀՀ քրեական օրենսգրքի 177-րդ (Գողությունը) և 324-րդ (Փաստաթղթեր, դրոշմներ, կնիքներ հափշտակելը կամ վնասելը) հոդվածների մեղադրանքով:
Խափանման միջոցը՝ ստորագրություն:
Արմեն Ս.-ն ներկայացվել է Էրեբունու բաժին: