Ոստիկանների բացատրական աշխատանքի արդյունքում, խարդախության համար հետախուզվողը ներկայացավ կամավոր

Ոստիկանության Շենգավիթի բաժնի ՔՀԲ ծառայողների բացատրական աշխատանքների շնորհիվ, հունվարի 3-ին, ժամը 07.40-ին, Մոսկվա-Երևան չվերթի ինքնաթիռի ժամանումից հետո, ոստիկանության Զվարթնոց օդանավակայանի գծային բաժին է կամավոր ներկայացել 47-ամյա Սերգեյ Հ.-ն, որը 2016 թ. մարտի 20-ից, ոստիկանության Էրեբունու բաժնի կողմից հետախուզվում է՝ ՀՀ քրեական օրենսգրքի 178 հոդվածի 2-րդ մասի 2-րդ կետի՝ խոշոր չափերով կատարված խարդախության մեղադրանքով:
Սերգեյ Հ.-ն ներկայացվել է Շենգավիթի քննչական բաժին: