Հետախուզվում էր ՌԴ իրավապահների կողմից

Մայիսի 7-ին ոստիկանության «Զվարթնոց» օդանավակայանի գծային բաժնի քրեական հետախույզները Դուբայ-Երևան չվերթի ինքնաթիռի ժամանումից հետո գծային բաժին բերման են ենթարկել ՌԴ քաղաքացի 33-ամյա Նատալիա Կ․-ին, որը 2019 թ. դեկտեմբերի 20-ից Ռուսաստանի իրավապահների կողմից հետախուզվում էր ՌԴ քրեական օրենսգրքի 228.1-րդ հոդվածի (Թմրամիջոցների, հոգեմետ նյութերի կամ դրանց պրեկուրսորների ապօրինի արտադրությունը, վաճառքը կամ փոխանցումը) մեղադրանքով:
Խափանման միջոցը՝ կալանք:
Հայտնաբերման մասին հայտնվել է հետախուզումը նախաձեռնողին։