Քրեական հետախույզների ձեռնարկած միջոցառումների շնորհիվ հետախուզվողներ են հայտնաբերվել
![Քրեական հետախույզների ձեռնարկած միջոցառումների շնորհիվ հետախուզվողներ են հայտնաբերվել Քրեական հետախույզների ձեռնարկած միջոցառումների շնորհիվ հետախուզվողներ են հայտնաբերվել](/timthumb?src=/resources/police/img/news/big/1642150363-9665.jpeg&q=75&w=780&wm=1)
Ոստիկանության Մալաթիայի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ հունվարի 13-ին Այգեստանի 1-ին փողոցից բերման է ենթարկվել 50-ամյա Արմեն Թ.-ն, որը 2021 թ. նոյեմբերի 23-ից հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Խափանման միջոցը՝ ստորագրություն:
Արմեն Թ.-ն ներկայացվել է նախաքննական մարմնին:
***
Ոստիկանության Նոր Նորքի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ հունվարի 13-ին Աճեմյան փողոցի 1-ին նրբանցքից բերման է ենթարկվել Գևորգ Դ.-ն, որը 2021 թ. նոյեմբերի 4-ից հետախուզվում էր ՀՀ քրեական օրենսգրքի 259-րդ հոդվածի (Ահաբեկչության մասին սուտ հաղորդում տալը) մեղադրանքով:
Խափանման միջոցը՝ ստորագրություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: