Հետախուզվողը հայտնաբերվեց ոստիկանների համատեղ միջոցառումների շնորհիվ

Ոստիկանության ՔՈԳՎ, Լոռու մարզային վարչության և Ստեփանավանի բաժնի ծառայողների համատեղ ձեռնարկած միջոցառումների շնորհիվ ապրիլի 15-ին Արշակունյաց պողոտայի հյուրանոցներից մեկում հայտնաբերվել և ՔՈԳՎ բերման է ենթարկվել 52-ամյա Ռոբերտ Մ.-ն, որը փետրվարի 3-ից հետախուզվում էր ՀՀ քրեական օրենսգրքի 268-րդ հոդվածի (Թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց իրացնելու նպատակի) 2-րդ մասի մեղադրանքով:
Նա փոխանցվել է Ստեփանավանի բաժնի ծառայողներին:
Առանց խափանման միջոցի: