Ոստիկանները պատժի կրումից խուսափողների են հայտնաբերել

Ոստիկանության Ստեփանավանի բաժնի ծառայողների ձեռնարկած օպերատիվ-հետախուզական միջոցառումների շնորհիվ հունվարի 21-ին Լոռու մարզի Յաղդան գյուղից բերման է ենթարկվել 43-ամյա Կառլեն Ս.-ն, որը հետախուզվում էր ՀՀ քրեական օրենսգրքի 296-րդ հոդվածի (Ծառերի, թփերի և բուսածածկի ապօրինի հատումը) մեղադրանքով պատժի կրումից խուսափելու համար:
Նա տեղափոխվել է քրեակատարողական հիմնարկ:

***
Ոստիկանության Կոտայքի բաժնի ՔՀԲ ծառայողները հունվարի 21-ին Լոռու մարզի Հովնանաձոր գյուղից Կոտայքի բաժին բերման են ենթարկել 32-ամյա Կարեն Ղ.-ին, որը ոստիկանության Ստեփանավանի բաժնի կողմից հետախուզվում էր ՀՀ քրեական օրենսգրքի 38-296-րդ հոդվածի (Ծառերը, թփերը և բուսածածկը ապօրինի հատելուն հանցակցելը) մեղադրանքով պատիժը կրելուց խուսափելու համար:
Հայտնաբերման մասին հայտնվել է Ստեփանավանի բաժին:

***
Ոստիկանության Կոտայքի բաժնի ՔՀԲ ծառայողները հունվարի 21-ին Լոռու մարզի Լոռի Բերդ համայնքի Հովնանաձոր գյուղից Կոտայքի բաժին բերման են ենթարկել 34-ամյա Էդգար Ա.-ին, որը ոստիկանության Ստեփանավանի բաժնի կողմից հետախուզվում էր ՀՀ քրեական օրենսգրքի 296-րդ հոդվածի (Ծառերի, թփերի և բուսածածկի ապօրինի հատումը) մեղադրանքով պատիժը կրելուց խուսափելու համար:
Հայտնաբերման մասին հայտնվել է Ստեփանավանի բաժին: