Ոստիկանության բաժիններ հետախուզվողներ են ներկայացել

Մարտի 24-ին ոստիկանության Արարատի բաժին է ներկայացել 60-ամյա Սուրիկ Գ.-ն, որը հետախուզվում էր ՀՀ քրեական օրենսգրքի 308-րդ հոդվածի (Պաշտոնեական լիազորությունները չարաշահելը) 2-րդ մասի մեղադրանքով:

***
Ոստիկանության Արմավիրի բաժնի ՔՀԲ ծառայողների ձեռնարկած միջոցառումների և բացատրական աշխատանքի շնորհիվ մարտի 24-ին Բագրատաշենի սահմանային անցակետ է ժամանել, ապա ոստիկանության Արմավիրի բաժին ներկայացվել 28-ամյա Բաբկեն Ղ.-ն, որը 2021 թ. հունիսի 24-ից Արմավիրի բաժնի կողմից հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) 2-րդ մասի մեղադրանքով:
Խափանման միջոցը՝ ստորագրություն: