Հետախուզվողը հայտնաբերվեց Գյումրիի Երևանյան խճուղում

Ոստիկանության ՔՈԳՎ ԹԱՇԴՊ վարչության, Կումայրիի բաժնի ՔՀԲ և ՃՈ ծառայողները համատեղ ձեռնարկած միջոցառումների արդյունքում մարտի 18-ին Գյումրի քաղաքի Երևանյան խճուղում կանգնեցրել են «Մերսեդես» մակնիշի մի ավտոմեքենա, որի սրահում հայտնաբերվել և Կումայրիի բաժին բերման են ենթարկվել 34-ամյա Արտաշ Խ.-ն, որը մարտի 10-ից ոստիկանության Էրեբունու բաժնի կողմից հետախուզվում էր ՀՀ քրեական օրենսգրքի 235-րդ հոդվածի (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) մեղադրանքով:
Խափանման միջոցը՝ կալանք:
Արտաշ Խ.-ն հանձնվել է ոստիկանության Էրեբունու բաժնի ծառայողնեին: