Նաիրիի բաժնի ոստիկանները հետախուզվողին հայտնաբերեցին Երևանում

Ոստիկանության Նաիրիի բաժնի ծառայողները, օպերատիվ տեղեկություններն իրացնելով, հոկտեմբերի 8-ին Երևան քաղաքի Դավիթաշենի 1-ին թաղամասից բերման են  ենթարկել 32-ամյա  Արտյոմ  Թ.-ին, որը  հոկտեմբերի 5-ից հետախուզվում էր ՀՀ քրեական օրենսգրքի 235-րդ հոդվածի (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) 4-րդ մասի մեղադրանքով: