Ոստիկանների բացատրական աշխատանքի շնորհիվ հետախուզվողը վերադարձավ Հայաստան

Ոստիկանության Ստեփանավանի բաժնի ՔՀԲ ծառայողների ձեռնարկած օպերատիվ-հետախուզական միջոցառումների և բացատրական աշխատանքի շնորհիվ հունվարի 14-ին Մոսկվա-Գյումրի չվերթի ինքնաթիռով Հայաստան է վերադարձել 48-ամյա Կարեն Ա.-ն, որը 2020 թ. փետրվարի 20-ից հետախուզվում էր ՀՀ քրեական օրենսգրքի 258-րդ հոդվածի (Խուլիգանությունը) մեղադրանքով:
Խափանման միջոցը՝ ստորագրություն:
Կարեն Ա.-ն բերման է ենթարկվել Ստեփանավանի բաժին և ներկայացվել է վարույթն իրականացնող մարմնին: