Կոտայքի ոստիկանները հետախուզվողին հայտնաբերեցին Սարամեջ գյուղում

Ոստիկանության Կոտայքի բաժնի ծառայողների ձեռնարկած օպերատիվ-հետախուզական միջոցառումների շնորհիվ հունվարի 21-ին Լոռու մարզի Սարամեջ գյուղում հայտնաբերվել և Կոտայքի բաժին բերման է ենթարկվել 25-ամյա Արեն Ս.-ն, որը հունվարի 14-ից ոստիկանության Կենտրոնական բաժնի կողմից հետախուզվում էր ՀՀ քրեական օրենսգրքի 322-րդ (Ինքնիրավչությունը) և 147-րդ (Բնակարանի անձեռնմխելիությունը խախտելը) հոդվածների մեղադրանքով:
Խափանման միջոցը՝ ստորագրություն: