Հետախուզվողները ՀՀ վերադարձան բացատրական աշխատանքի արդյունքում

Ոստիկանության Երևան քաղաքի վարչության ՔՀԲ ծառայողների բացատրական աշխատանքի շնորհիվ ապրիլի 17-ին Դոհա-Երևան չվերթով վերադարձել և Նոր Նորքի բաժին է ներկայացել 24-ամյա Նորիկ Հ.-ն, որը ապրիլի 8-ից հետախուզվում էր ՀՀ քրեական օրենսգրքի 189.1-րդ հոդվածի (Ֆինանսական բուրգ ստեղծելը, կազմակերպելը կամ ղեկավարելը) 3-րդ մասի մեղադրանքով:
Խափանման միջոցը՝ ստորագրություն:

***
Ոստիկանության Նոր Նորքի բաժնի ՔՀԲ ծառայողների բացատրական աշխատանքի շնորհիվ ապրիլի 17-ին Սոչի-Երևան չվերթի ինքնաթիռով վերադառնալուց հետո օդանավակայանից Նոր Նորքի բաժին է ներկայացվել 35-ամյա Արտյոմ Գ.-ն, որը 2019 թ. հունիսի 7-ից ոստիկանության Շենգավիթի բաժնի կողմից հետախուզվում էր ՀՀ քրեական օրենսգրքի 178-րդ հոդվածի( Խարդախությունը) 2-րդ մասի մեղադրանքով:
Խափանման միջոցը՝ ստորագրություն: