Հետախուզվողները ներկայացան ոստիկանների բացատրական աշխատանքի շնորհիվ

Ոստիկանության Մաշտոցի բաժնի ՔՀԲ ծառայողների բացատրական աշխատանքի շնորհիվ մայիսի 8-ին, ժամը 17.00-ին, բաժին է ներկայացել 39-ամյա Աբրահամ Մ.-ն, որը մայիսի 5-ից հետախուզվում էր ՀՀ քրեական օրենսգրքի 178-րդ հոդվածի (Խարդախությունը) մեղադրանքով:
Նա ներկայացվել է նախաքննական մարմնին:

***
Ոստիկանության Չարբախի բաժանմունքի ծառայողների բացատրական աշխատանքի շնորհիվ մայիսի 8-ին, ժամը 16.20-ին, բաժանմունք է ներկայացել 42-ամյա Կարեն Վ.-ն, որը ապրիլի 20-ից հետախուզվում էր ՀՀ քրեական օրենսգրքի 266-րդ հոդվածի (Թմրամիջոցների կամ հոգեներգործուն նյութերի ապօրինի շրջանառությունը՝ դրանք իրացնելու նպատակով) 2-րդ մասի մեղադրանքով:
Խափանման միջոցը՝ կալանք:

***
Ոստիկանության Էրեբունու բաժնի ՔՀԲ ծառայողների բացատրական աշխատանքի շնորհիվ մայիսի 9-ին, ժամը 10.40-ին, Էրեբունու բաժին է ներկայացել 37-ամյա Դավիթ Ք.-ն, որը հետախուզվում էր ՀՀ քրեական օրենսգրքի 178-րդ հոդվածի (Խարդախությունը) 2-րդ մասի մեղադրանքով:
Խափանման միջոցը՝ ստորագրություն: