Հետախուզվողները ներկայացել են ոստիկանների բացատրական աշխատանքի արդյունքում

Ոստիկանության Մալաթիայի բաժնի ծառայողների բացատրական աշխատանքի շնորհիվ մարտի 13-ին, ժամը 07.20-ին, Մոսկվա-Երևան չվերթի ինքնաթիռի ժամանումից հետո կամավոր բաժին է ներկայացել 28-ամյա Գոռ Հ․-ն, որը 2018թ. հոկտեմբերի 10-ից հետախուզվում էր ՀՀ քրեական օրենսգրքի 268-րդ հոդվածի 2-րդ մասի 2-րդ կետի (Խոշոր չափերով թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց իրացնելու նպատակի) մեղադրանքով:
Խափանման միջոցը՝ ստորագրություն:

***

Ոստիկանության Մուշի բաժնի ծառայողների բացատրական աշխատանքների շնորհիվ մարտի 13-ին, ժամը 21.20-ին, Մոսկվա-Գյումրի չվերթի ինքնաթիռի ժամանումից հետո ինքնակամ բաժին է ներկայացել 38-ամյա Արտակ Ա․-ն, որը 2019թ. դեկտեմբերի 26-ից հետախուզվում էր ՀՀ քրեական օրենսգրքի 119-րդ հոդվածի 2-րդ մասի 1-ին, 3-րդ, 5-րդ (Ֆիզիկական ուժեղ ցավ կամ հոգեկան ուժեղ տառապանք պատճառելը) և 133-րդ հոդվածի 2-րդ մասի 1-ին, 4-րդ և 6-րդ կետերի (Ազատությունից ապօրինի զրկելը) մեղադրանքներով:
Խափանման միջոցը՝ ստորագրություն:
Հետախուզվողը ներկայացվել է Շիրակի մարզի քննչական վարչություն: