Մաշտոցի բաժնի ոստիկանները հետախուզվողների են հայտնաբերել

Ոստիկանության Մաշտոցի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ սեպտեմբերի 1-ին Դավիթաշենի 5-րդ փողոցի մի տնից բերման է ենթարկվել 45-ամյա Հենրիկ Թ.-ն, որը հետախուզվում էր ՀՀ քրեական օրենսգրքի 242-րդ հոդվածի (Ճանապարհային երթևեկության և տրանսպորտային միջոցների շահագործման կանոնները խախտելը) մեղադրանքով:
Առանց խափանման միջոցի:

***
Ոստիկանության Մաշտոցի բաժնի և Դավիթաշենի բաժանմունքի քրեական հետախույզների ձեռնարկած օպերատիվ-հետախուզական միջոցառումների շնորհիվ սեպտեմբերի 2-ին, ժամը 00.40-ին, Կոմիտասի պողոտայի մի շենքից բերման է ենթարկվել 65-ամյա Սամվել Մ.-ն, որը հուլիսի 20-ից Մաշտոցի բաժնի կողմից հետախուզվում էր ՀՀ քրեական օրենսգրքի 178-րդ հոդվածի (Խարդախությունը) 3-րդ մասի մեղադրանքով:
Խափանման միջոցը՝ կալանք: