Մաշտոցի բաժնի ոստիկանները հետախուզվողի են հայտնաբերել

Ոստիկանության Մաշտոցի բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ փետրվարի 18-ին, ժամը 10.00-ին, Շիրակի փողոցի շենքերից մեկի մի բնակարանից բերման է ենթարկվել 31-ամյա Ռոման Կ.-ն, որը 2019 թ. նոյեմբերի 25-ից Մաշտոցի բաժնի կողմից հետախուզվում էր ՀՀ քրեական օրենսգրքի 266-րդ հոդվածի (Թմրամիջոցների կամ հոգեներգործուն նյութերի ապօրինի շրջանառությունը՝ դրանք իրացնելու նպատակով) 4-րդ մասի և 268-րդ հոդվածի (Թմրամիջոցների կամ հոգեներգործուն նյութերի ապօրինի շրջանառությունն առանց դրանք իրացնելու նպատակի) 1-ին մասի մեղադրանքով:
Խափանման միջոցը՝ կալանք: