Ոստիկանները հայտնաբերել են խարդախության համար հետախուզվողների

Ոստիկանության Երևան քաղաքի վարչության ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ մարտի 4-ին Ֆուչիկի փողոցից Մաշտոցի բաժին բերման է ենթարկվել 29-ամյա Հայկ Հ.-ն, որը հետախուզվում էր ՀՀ քրեական օրենսգրքի 178-րդ հոդվածի (Խարդախությունը) 1-ին մասի մեղադրանքով:
Խափանման միջոցը՝ ստորագրություն:

***

Ոստիկանության Էրեբունու բաժնի ՔՀԲ ծառայողները, իրացնելով օպերատիվ տվյալները, մարտի 4-ին, ժամը 14.00-ին, Բագրատաշենի սահմանային անցակետից բերման են ենթարկել 30-ամյա Արման Հ.-ին, որը 2011 թ. դեկտեմբերի 23-ից Կումայրիի բաժնի կողմից հետախուզվում էր ՀՀ քրեական օրենսգրքի 178-րդ հոդվածի (Խարդախությունը) 2-րդ մասի 1-ին կետի մեղադրանքով:
Խափանման միջոցը՝ կալանք: