ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Տեղեկատվություն ՀՀ ոստիկանության ծառայությունների և տարածքային մարմինների 2016թ. օպերատիվ-ծառայողական գործունեության արդյունքների մասին

18.01.2017 08:28 Տարի
Տեղեկատվություն ՀՀ ոստիկանության ծառայությունների և տարածքային մարմինների 2016թ. օպերատիվ-ծառայողական գործունեության արդյունքների մասին

2016թ. ընթացքում հանրապետությունում ունենալով ծանրաբեռնված օրակարգ, կապված ապրիլյան պատերազմի, ՀՀ ոստիկանության ՊՊԾ գնդի գրավման, ինչպես նաև օտարերկրյա բարձրաստիճան պատվիրակությունների պաշտոնական այցերի հետ, ՀՀ ոստիկանությունը ողջ ծավալով կատարել է իր առջև դրված խնդիրները՝ օրենքով վերապահված լիազորությունների շրջանակներում հանրապետությունում վերահսկվել է օպերատիվ իրավիճակը, պահպանվել է կայուն հասարակական կարգն ու անվտանգությունը։
Հանրապետությունում գրանցված հանցագործությունների ընդհանուր թվաքանակը, գլխավորապես պայմանավորված ՀՀ քր.օր-ի 327 հոդվածով նախատեսված դեպքերը ՀՀ ոստիկանության ինֆորմացիոն կենտրոնում 01.01.2016թ-ից հաշվառելու հանգամանքով, աճել է 10,1%-ով կամ 1721 դեպքով (2015թ. 12 ամիս` 17043, 2016թ. 12 ամիս` 18764): Ընդ որում, աճի շուրջ 80,0%-ը կազմում են հենց այդ դեպքերը, իսկ մնացածը պայմանավորված է առավել լատենտային համարվող ապօրինի պահվող զենք-զինամթերքի և թմրամիջոցների հետ կապված հանցագործության դեպքերի հայտնաբերման թվի աճով:
Հանցագործությունների բացահայտման արդյունավետությունն աճել է ընդհանուր՝ 2,8%-ով (75,7%-ից 78,5%), առանձնապես ծանր հանցագործություններով՝ 7,5%-ով (79,4%-ից 86,9%) և ծանր հանցագործություններով՝ 6,3%-ով (47,9%-ից 54,2%):
2016թ-ի ընթացքում արձանագրված 66 սպանության դեպքերից բացահայտվել է 75,8%, ինչը 4,6%-ով բարձր է նախորդ տարվա նույն ժամանակահատվածի համեմատ: Հարկ է նշել, որ չբացահայտված սպանությունների 62,5%-ն անհայտ կորելու դեպքեր են, որոնց հանգամանքները պարզելու, ինչպես նաև որոնողական աշխատանքներն առավել ընդգրկուն և օպերատիվ կազմակերպելու նպատակով ՀՀ իրավապահ մարմինների կողմից դրանք նախնական որակվում են որպես սպանություն:
Սեփականության դեմ ուղղված հանցատեսակներից՝ արձանագրվել է անձնական գույքի՝ ավազակության 53 դեպք, որի բացահայտումն աճել է 1,0%-ով (55,6%-ից 56,6%), կողոպուտի 255 դեպք, որի բացահայտումն աճել է 2,2%-ով (51,5%-ից 53,7%), բնակարանային գողության 1250 դեպք, որի բացահայտումն աճել է 2,5%-ով (30,5%-ից 33,0%):
Հաշվետու տարում 45,2%-ով աճել է նախկին տարիներին կատարված և հանցագործություն կատարած անձի ինքնությունը պարզված չլինելու պատճառաբանությամբ կասեցված հանցագործությունների բացահայտման թիվը (73-106):
Հրազենի գործադրմամբ կատարված հանցագործությունների նվազման պարագայում (69-65), աճել է ինչպես դրանց բացահայտման արդյունավետությունը (81,2%-ից 87,7%), այնպես էլ 119-ով կամ 19,5%-ով զենքի, ռազմամթերքի ապօրինի շրջանառության դեպքերի հայտնաբերման թիվը (610-729):
Թմրամիջոցների ապօրինի շրջանառության ոլորտում հայտնաբերված դեպքերի թիվը կազմել է 963, իսկ բացահայտման արդյունավետությունն աճել է 2,4%-ով (78,6%-ից 81,0%):
Գրանցվել է մարդկանց թրաֆիքինգի 9 դեպք:
Տնտեսական գործունեության դեմ ուղղված 602 հանցագործության դեպքերի բացահայտման արդյունավետությունն աճել է 15,2%-ով (54,4%-ից 69,6%)։
Հայտնաբերվել է կոռուպցիոն բնույթի 659 հանցագործության դեպք, ընդ որում նշված հանցագործություններից 35,2%-ն ի հայտ է բերվել ոստիկանության կողմից: Կոռուպցիոն բնույթի հանցագործություններից 71-ը կաշառակերության դեպքեր են, որոնց շուրջ 90,0%-ը հայտնաբերվել է ոստիկանության ջանքերով:
Հաշվետու տարում, ոստիկանության հետաքննության մարմինների կողմից նախապատրաստվել է 143716 նյութ, հարուցվել է 1825 քրեական գործ:
Ոստիկանության ուժերով հասարակական կարգի պահպանություն և հասարակական անվտանգություն է ապահովվել թվով 5429 զանգվածային միջոցառումների ընթացքում:
ՀՀ ոստիկանության «Ճանապարհային ոստիկանության» ծառայությունը հաշվետու ժամանակահատվածում շարունակել է ճանապարհային երթևեկության անվտանգության ապահովման ու ճանապարհատրանսպորտային պատահարների նախականխմանը միտված կանխարգելիչ միջոցառումները, ինչի արդյունքում հանրապետության տարածքում արձանագրված ճանապարհատրանսպորտային պատահարների քանակը նվազել է 196-ով, զոհերինը՝ 80-ով և վիրավորներինը՝ 286-ով:
Բնակչության շրջանում ոստիկանության նկատմամբ վստահության բարձրացման առումով ՀՀ ոստիկանությունը խիստ կարևորում է նաև յուրաքանչյուր ծառայողի կողմից օրինականության պահպանման խնդիրը:
Հաշվետու ժամանակահատվածում ոստիկանության ծառայողների նկատմամբ կատարվել է 1754 ծառայողական քննություն, որի արդյունքում կարգապահական տույժի է ենթարկվել 768 ծառայող:
ՀՀ ոստիկանության ծառայողների կողմից թույլ տրված տարբեր օրինախախտումների փաստերով, հաշվետու տարում հարուցված քրեական գործերով դատապարտվել է 2 անձ:

ՀՀ ՈՍՏԻԿԱՆՈՒԹՅՈՒՆ