Հանդիպում ոստիկանության ներքին անվտանգության վարչությունում (ՏԵՍԱՆՅՈՒԹ)

Հունվարի 26-ին ՀՀ ոստիկանության ներքին անվտանգության վարչության պետ Վահե Հարությունյանը հանդիպեց Եվրոպական հանձնաժողովի խարդախությունների դեմ պայքարի գրասենյակի վարչության ղեկավար տիկին Պետրա Քնյուերին:
Տիկին Քնյուերը հայտնեց, որ Հայաստանի կառավարությունն արժանացել է Եվրոպական հանձնաժողովի` խարդախության դեմ պայքարի եվրոպական գրասենյակի բարձր գնահատանքին` Բարձրաստիճան պաշտոնատար անձանց էթիկայի հանձնաժողովի ստեղծման համար: Նա նշեց, որ այս հանդիպման նպատակն է` պարզել, թե ոստիկանությունում էթիկայի ինչ նորմեր են սահմանված, դրանց պահպանման ուղղությամբ ինչ միջոցներ են ձեռնարկվում և խախտումների դեպքում ինչ պատժամիջոցներ են կիրառվում:
Վահե Հարությունյանը նշեց, որ ոստիկանության ծառայողի էթիկայի կանոնները սահմանված են ՀՀ ոստիկանության կարգապահական կանոնագրքով: Խախտումների դեպքում ոստիկանները ենթարկվում են կարգապահական պատասխանատվության, իսկ կոպիտ խախտումների դեպքերում ոստիկանության ծառայողին կարգապահական պատասխանատվության ենթարկելու հարցը քննարկվում և տույժի տեսակը որոշվում է ոստիկանությունում գործող կարգապահական հանձնաժողովի կողմից, որը գործում է 2013 թվականից և որում ընդգրկված են նաև հասարակական կազմակերպությունների հինգ ներկայացուցիչներ: Ոստիկանության ղեկավարությունը շատ է կարևորում այս հանձնաժողովի դերը, որը վկայությունն է հրապարակային գործելաոճի:
Տիկին Քնյուերը բարձր գնահատեց Հայաստանի ոստիկանության կարգապահական հանձնաժողովի առկայության փաստը:
Ամփոփելով հանդիպումը` կողմերը պատրաստակամություն հայտնեցին հետագա համագործակցության վերաբերյալ: