ՀՈԳՎ ծառայողները այցելել են «Յոլյան» արյունաբանության և ուռուցքաբանության կենտրոն

Համայնքային ոստիկանության մասնագիտական մեթոդական աջակցման վարչության պետ Գեորգի Խաչատրյանը վարչության ծառայողների հետ այցելել է ԱՆ «Յոլյան» արյունաբանության և ուռուցքաբանության կենտրոն։
Այցի ընթացքում ոստիկանության ծառայողները շրջել են կենտրոնի բաժանմունքներում, զրուցել փոքրիկների և նրանց ծնողների հետ, հետաքրքրվել երեխաների առողջական վիճակով և բուժման ընթացքով։
Համայնքային ոստիկանները երեխաներին են հանձնել ՆԳ նախարարության կողմից նվերներ և մաղթել շուտափույթ ապաքինում։
Ծնողները շնորհակալություն են հայտնել ուշադրության և ջերմ վերաբերմունքի համար և նշել, որ նման հանդիպումները ստեղծում են դրական մթնոլորտ և բարձր տրամադրություն պարգևում երեխաներին։
ՆԳ նախարարության նմանօրինակ նախաձեռնությունները շարունակական են լինելու։