Ընդունելություն ՀՀ ոստիկանությունում (ՏԵՍԱՆՅՈՒԹ)
![Ընդունելություն ՀՀ ոստիկանությունում (ՏԵՍԱՆՅՈՒԹ) Ընդունելություն ՀՀ ոստիկանությունում (ՏԵՍԱՆՅՈՒԹ)](/timthumb?src=/resources/police/img/news/big/1443793952,3913.jpeg&q=75&w=780&wm=1)
Հոկտեմբերի 2-ին ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանն ընդունեց ՀԱՊԿ գլխավոր քարտուղարի տեղակալ Վալերի Սեմերիկովին և ՀԱՊԿ քարտուղարության սպառնալիքների և մարտահրավերների հակազդման վարչության խորհրդական Վլադիմիր Բուլատովին: Հանդիպմանը մասնակցում էին նաև ոստիկանության շտաբի պետ Արամ Զաքարյանը և կազմակերպված հանցավորության դեմ պայքարի գլխավոր վարչության պետ Ռաֆայել Զաքարյանը: Կողմերը քննարկեցին 2016 թվականի մայիսին կայանալիք «Կոբալտ-2016» հատուկ մարտավարական զորավարժության անցկացմանը վերաբերող կազմակերպչական հարցեր: Հունան Պողոսյանը հավաստիացրեց, որ ՀՀ ոստիկանությունը կգործադրի բոլոր ջանքերը՝ միջոցառումը բարձր մակարդակով կազմակերպելու և անցկացնելու համար: Իր հերթին ՀԱՊԿ գլխավոր քարտուղարի տեղակալ Վալերի Սեմերիկովը ներկայացրեց «Կոբալտ-2016» զորավարժության նախապատրաստական աշխատանքների մանրամասները՝ տեղեկացնելով, որ նախատեսվում է միջոցառմանը հրավիրել միջազգային հեղինակավոր կառույցների բարձրաստիճան ներկայացուցիչների: