Հուշ-երեկո՝ նվիրված զոհված ոստիկան Արամ Արզումանյանի հիշատակին

Սոս Սարգսյանի անվան համազգային թատրոնում տեղի ունեցավ 2020 թվականի Արցախյան ազատամարտի մասնակից, ոստիկանության զորքերի ծառայող Արամ Արզումանյանին նվիրված հուշ-երեկո։
Միջացառման ընթացքում ներկայացվեց Արամ Արզումանյանի կենսագրությունը։ Ծնվել էր 1986 թվականին՝ Արարատի մարզի Արալեզ գյուղում, ծառայել էր բանակում, ոստիկանության զորքերում էր 2019 թվականից։
2020 թվականի սեպտեմբերի 29-ից մասնակցել էր Քարվաճառի պաշտպանությանը, նոյեմբերի 2-ից՝ Շուշիի պաշտպանական մարտերին։ Արամ Արզումանյանը զոհվեց Շուշիի մատույցներում՝ նոյեմբերի 7-ին։
Երեկոյի ընթացքում հայրենասիրական երգերով հանդես եկան երգիչ-երգչուհիներ, իսկ Արամ Արզումանյանի դուստրերն արտասանեցին հորը նվիրված բանաստեղծություններ։
Փա՛ռք հայրենիքի համար զոհված բոլոր քաջորդիներին։