Ընդունելություն ՀՀ ոստիկանությունում (ՏԵՍԱՆՅՈՒԹ)

Մարտի 29-ին ոստիկանության շտաբի պետ, ոստիկանության գնդապետ Հովհաննես Քոչարյանն ընդունեց ընտրությունների հարցերով ԵՄ խորհրդատու Մարիաննա Սկոպայի գլխավորած պատվիրակությանը:
Ողջունելով հյուրերին՝ Հովհաննես Քոչարյանը հակիրճ ներկայացրեց Ազգային Ժողովի ընտրություններին նախորդող շրջանում մինչ այժմ իրականացված աշխատանքները, քարոզարշավի և բուն ընտրությունների ընթացքում ոստիկանական ծառայության խնդիրները, ստեղծված օպերատիվ շտաբի գործառույթները, ինչպես և «Ընտրությունների ժամանակ ոստիկանության գործողությունների ուղեցույցը»:
Շնորհակալություն հայտնելով ջերմ ընդունելության համար՝ Մարիաննա Սկոպան ներկայացրեց իր առաքելության խնդիրներն ու գործառույթները:
Հանդիպման ընթացքում հյուրերի կողմից մի շարք հարցադրումներ ներկայացվեցին՝ կապված նախընտրական շրջանում արձանագրված իրավախախտումներին և դրանց հետ առնչություն ունեցող դեպքերի քննությանը, որոնց վերևաբերյալ տրվեցին սպառիչ պատասխաններ:
Հովհաննես Քոչարյանն ընդգծեց, որ ոստիկանությունը նախընտրական փուլում, ինչպես և ընտրությունների ընթացքում իր լիազորությունների շրջանակում ձեռնարկում է բոլոր միջոցները՝ օրենքով վերապահված գործառույթներն անթերի կատարելու, թափանցիկ ու արդյունավետ աշխատելու համար:
Հանդիպմանը քննարկվեցին փոխադարձ հետաքրքրություն ներկայացնող այլ հարցեր ևս: