Խանութից գողություն էր արել ու բռնվել. Իջևանի ոստիկանների բացահայտումը

Մայիսի 7-ին, ժամը 11.30-ի սահմաններում, ոստիկանության Իջևանի բաժնում Ակնաղբյուր գյուղի մի բնակչուհի հաղորդում էր տվել, որ մայիսի 6-ից 7-ն ընկած ժամանակահատվածում հարմարեցված գործիքով բացել են Իջևան քաղաքի Գանինի փողոցի իրենց խանութ-կրպակի դուռը և գողացել մոտ 400.000 դրամի ծխախոտ:
Իրավապահներն ուսումնասիրեցին դեպքի վայրը, կազմեցին արձանագրություններ: Գողությունը կատարած անձին և գողոնը հայտնաբերելու ուղղությամբ ձեռնարկված անհրաժեշտ միջոցառումների արդյունքում տեղեկություններ ստացվեցին, որ գողությունը հնարավոր է կատարած լինի Իջևանի Անկախության փողոցի 33-ամյա մի բնակիչ:
Հունիսի 3-ին կասկածվողը բերման ենթարկվեց ոստիկանության Իջևանի բաժին և ներկայացվեց Տավուշի մարզային քննչական վարչություն:
Գողության փաստով հարուցվել է քրեական գործ:
Հանգամանքները պարզվում են:
Նախաքննությունը շարունակվում է: