Հանցավոր հյուրասիրություն. Իջևանի ոստիկանների բացահատումը

Իջևանի քրեական հետախույզներն օպերատիվ տվյալներն իրացրին ապրիլի 18-ին: Երեկոյան ժամը 9-ի մոտ, ապօրինի թմրանյութ պահելու, օգտագործելու և իրացնելու կասկածանքով, Կայանավան բնակավայրից ոստիկանության Իջևանի բաժին բերման ենթարկվեցին չորս երիտասարդ:
Այգեհովիտ գյուղի 28-ամյա բնակչի անձնական խուզարկությամբ հայտնաբերվեց մարիխուանայի նմանվող զանգվածով կաթուցիչ: Պարզվեց նաև, որ նա թմրամիջոց էր հյուրասիրել բերման ենթարկվածներից մեկին: 31-ամյա երիտասարդի խուզարկությամբ հայտնաբերվեց հյուրասիրածը` նույն զանգվածով կաթուցիչ:
Նշանակվել են փորձաքննություններ, հանգամանքները պարզվում են: