ՀՀ ոստիկանության պետն ընդունել է Հայաստանում Հնդկաստանի արտակարգ և լիազոր դեսպանին

Մայիսի 27-ին ոստիկանության պետ Վահե Ղազարյանն ընդունեց Հայաստանում Հնդկաստանի արտակարգ և լիազոր դեսպան Կիշան Դան Դևալին:
Վահե Ղազարյանը բարձր գնահատեց Հնդկաստանի դեսպանության և ՀՀ ոստիկանության միջև ձևավորված արդյունավետ համագործակցությունը։ Նա հույս հայտնեց, որ այս հանդիպումը նույնպես կխթանի փոխհամագործակցության զարգացմանը։
Կիշան Դան Դևալը, շնորհակալություն հայտնելով ջերմ ընդունելության համար, խոսեց առկա համագործակցության և դրա զարգացման հեռանկարի մասին։
Արտակարգ և լիազոր դեսպանը շնորհակալություն հայտնեց Հայաստանի ոստիկանությանը՝ հնդիկ քաղաքական գործիչ և հոգևոր առաջնորդ Մահաթմա Գանդիի արձանի հետ կատարված դեպքին արագ արձագանքելու և կատարողին հայտնաբերելու համար։
Վահե Ղազարյանը նշեց, որ ոստիկանության առաջնային գործառույթներից է ապահովել ինչպես Հայաստանի, այնպես էլ այլ պետությունների՝ Հայաստանում գտնվող քաղաքացիների անվտանգությունը։
Հանդիպմանը քննարկվեցին փոխադարձ հետաքրքրություն ներկայացնող այլ հարցեր։