Պատերազմից հետո յուրացրել էր բանակին պատկանող «ՈՒԱԶ»-ը
15.05.2021 12:26
Յուրացում կամ վատնում
![Պատերազմից հետո յուրացրել էր բանակին պատկանող «ՈՒԱԶ»-ը Պատերազմից հետո յուրացրել էր բանակին պատկանող «ՈՒԱԶ»-ը](/timthumb?src=/resources/police/img/news/big/1621067323-9175.jpeg&q=75&w=780&wm=1)
Մայիսի 14-ին ոստիկանության Աշտարակի բաժնում տեղեկություն էր ստացվել, որ 38-ամյա տղամարդը Արցախում մարտական գործողությունների մասնակցելուց հետո յուրացրել է Պաշպանության բանակի «ՈՒԱԶ» մակնիշի ավտոմեքենան և այն տեղափոխել Արագածոտնի մարզի Ավան համայնք։
Նույն օրը տղամարդը Աշտարակ քաղաքի Շահնազարյան փողոցից բերման է ենթարկվել բաժին։ Ավտոմեքենան հայտնաբերվել և տեղափոխվել է ոստիկանության Աշտարակի բաժնի պահպանվող հատուկ տարածք:
Կատարվում է քննություն։
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: