Կամավոր զենք-զինամթերքի հանձնում /ՏԵՍԱՆՅՈՒԹ/
![Կամավոր զենք-զինամթերքի հանձնում /ՏԵՍԱՆՅՈՒԹ/ Կամավոր զենք-զինամթերքի հանձնում /ՏԵՍԱՆՅՈՒԹ/](/timthumb?src=/resources/police/img/news/big/1534952182,1017.jpeg&q=75&w=780&wm=1)
Օգոստոսի 21-ին ոստիկանության Արաբկիրի բաժնի քրեական հետախույզների բացատրական աշխատանքի շնորհիվ Երևանի Անտառային փողոցի մի բնակիչ կամավոր ոստիկանություն է հանձնել 7,62 մմ տրամաչափի կարաբին հրացան, նույն տրամաչափի ՊԿՏ գնդացիր, 7,62 մմ տրամաչափի 200 փամփուշտով շղթա, 16 հատ տրոտիլի փաթեթ, 2 մալուխ, 16 պայթուցիչ և 7070 տարբեր տրամաչափի փամփուշտ:
Քաղաքացին հայտնել է, որ զենք-զինամթերքը ձեռք է բերել Արցախյան ինքնապաշտպանական մարտերի ժամանակ, պատերազմից հետո թաքցրել նկուղում :
Նշանակվել է դատաձգաբանական փորձաքննություն:
Փաստի առթիվ նախապատրաստվում են նյութեր:
Ոստիկանությունը կրկին հիշեցնում է` քրեական օրենսգրքի 235-րդ հոդվածի 5-րդ մասի համաձայն, ապօրինի զենք-զինամթերքը կամովին հանձնած անձն ազատվում է քրեական պատասխանատվությունից, եթե նրա գործողություններն այլ հանցակազմ չեն պարունակում:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: