«Կանեփ-կակաչ-2021» միջոցառման արդյունքները օգոստոսի 26-ին

Օգոստոսի 26-ին «Կանեփ-կակաչ-2021» միջոցառման շրջանակներում հայտնաբերվել և այրման միջոցով ոչնչացվել է 2551 կգ վայրի աճած կանեփի և մոտ 11 կգ կակաչի վայրի աճած զանգված: Տնամերձ 10 հողամասից հայտնաբերվել է կանեփի 309 բույս: Ապօրինի թմրաշրջանառությունից առգրավվել է շուրջ 33 գրամ մարիխուանա և 0,37 գրամ մեթամֆետամին: Իրականացված բացատրական աշխատանքի շնորհիվ արձանագրվել են նաև ապօրինի զենք-զինամթերքի կամավոր հանձնման դեպքեր։ Ոստիկաններին է հանձնվել տարբեր տրամաչափի 178 փամփուշտ, 2 նռնակ և ատրճանակ։
Բացի այդ, հայտնաբերվել է 10 հետախուզվող: Օպերատիվ-կանխարգելիչ միջոցառումը շարունակվում է: