«Կանեփ-կակաչ-2024» համալիր օպերատիվ-կանխարգելիչ միջոցառման արդյունքները օգոստոսի 25-ի դրությամբ

Շարունակվում է «Կանեփ-կակաչ-2024» համալիր օպերատիվ-կանխարգելիչ միջոցառումը, որի նպատակը շրջանառությունն արգելված թմրամիջոցներ պարունակող մշակած կամ վայրի աճած բույսերի հայտնաբերումն ու ոչնչացումը, ինչպես նաև թմրամիջոցների անօրինական շրջանառության դեպքերի կանխումը, հայտնաբերումն ու բացահայտումն է:
Օգոստոսի 19-ից 25-ը հանրապետության տարածքում հայտնաբերվել և այրման միջոցով ոչնչացվել է 9852,2 կգ կանեփի և 4 կգ կակաչի վայրի աճած զանգված:
Տնամերձ 9 հողամասում հայտնաբերվել է կանեփի 235 բույս:
Օպերատիվ տեղեկությունների իրացման արդյունքում ապօրինի թմրաշրջանառությունից առգրավվել է 9652 գրամ մարիխուանա, 4098 գրամ մեթամֆետամին, 57,63 գրամ սփայս, 12,68 հաշիշի յուղ և 52 հոգեմետ դեղահաբ:
Ձեռնարկված օպերատիվ-հետախուզական միջոցառումների և բացատրական աշխատանքի արդյունքում հայտնաբերվել են նաև տարբեր տրամաչափի 211 փամփուշտ, 4 ատրճանակ, 5 հրացան։
Միջոցառման շրջանակում հայտնաբերվել է 22 հետախուզվող:
Համալիր օպերատիվ-կանխարգելիչ միջոցառումը շարունակվում է: