Կապանի ոստիկանները ավտոմեքենա փախցնելու դեպք են բացահայտել
![Կապանի ոստիկանները ավտոմեքենա փախցնելու դեպք են բացահայտել Կապանի ոստիկանները ավտոմեքենա փախցնելու դեպք են բացահայտել](/timthumb?src=/resources/police/img/news/big/1618822028-4389.jpeg&q=75&w=780&wm=1)
Ապրիլի 18-ին ոստիկանության Կապանի բաժին հաղորդում էր ստացվել, որ ապրիլի 17-ի ժամը 20.00-ից ապրիլի 18-ի ժամը 09.00-ն ընկած ժամանակահատվածում կոտրել են Կապան քաղաքի Հարությունյան փողոցի շենքերից մեկի հարակից հողամասի դարպասի փականը և փախցրել այնտեղ կայանված «ԳԱԶ-3102» մակնիշի ավտոմեքենան։
Կապանի քրեական հետախույզների ձեռնարկած օպերատիվ-հետախուզական միջոցառումների արդյունքում պարզվել է, որ ավտոմեքենան փախցրել է Կապանի 28-ամյա մի բնակիչ, որը բացատրական աշխատանքի արդյունքում ներկայացել է ոստիկանության Կապանի բաժին։ Նա խոստովանել է կատարածը և հայտնել, որ փախցրած ավտոմեքենան, վթարված վիճակում, թողել է Սյունիքի մարզի Գեղանուշ բնակավայր տանող ճանապարհին:
Ավտոմեքենան հայտնաբերվել և տեղափոխվել է բաժնի պահպանվող հատուկ տարածք:
Կատարվում է քննություն։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: