Ոստիկանները հայտնաբերեցին մեքենայից գողություն կատարած անձին

Հուլիսի 2-ին, ժամը 10.45-ին, ոստիկանության Կենտրոնական բաժնում հաղորդում է ստացվել, որ Մաշտոցի պողոտայում կայանված ավտոմեքենայի ապակին կոտրել են և գողություն կատարել:
Դեպքի վայր են մեկնել Կենտրոնականի ոստիկաններն ու պարզել, որ գողությունը կատարվել է հունիսի 29-ի ժամը 19.00-ից հուլիսի 2-ի ժամը 09.30-ն ընկած ժամանակահատվածում: Մեքենայից գողացել էին ձայնարկիչ և շարժական խոսնակը:
Կենտրոնականի քրեական հետախույզների ձեռնարկած օպերատիվ-հետախուզական միջոցառումների շնորհիվ պարզվել է, որ գողությունը կատարել է 21-ամյա մի երիտասարդ, որը հուլիսի 3-ին, ժամը 19.30-ին, Հյուսիսային պողոտայից բերման է ենթարկվել ոստիկանության Կենտրոնական բաժին և տվել խոստովանական բացատրություն:
Ձեռնարկվում են միջոցառումներ գողոնը հայտնաբերելու ուղղությամբ:
Կատարվում է քննություն: