Գողություն և գողության փորձ գետնանցումում. ոստիկանների բացահայտումը

Ոստիկանության Կենտրոնական բաժնի ՔՀԲ ծառայողները փետրվարի 25-ին, ժամը 11.20-ին, գողություն կատարելու կասկածանքով, Երվանդ Քոչարի փողոցից բերման են ենթարկել 48-ամյա տղամարդու, որը տվել է խոստովանական բացատրություն, որ փետրվարի 20-ի ժամը 11.30-ից 18.00-ն ընկած ժամանակահատվածում, օգտվելով վաճառողի անուշադրությունից, Հյուսիսային պողոտայի գետնանցումի ոսկյա և արծաթյա իրերի վաճառակետից գողացել է ցուցափեղկին դրված արծաթյա հինգ վզնոց:
Ձեռնարկված օպերատիվ միջոցառումների շնորհիվ պարզվել է, որ նա փետրվարի 21-ին, ժամը 11.00-ից 12.00-ն ընկած ժամանակահատվածում, նույն վաճառակետից փորձել է գողանալ վզնոցներ, սակայն բռնվել է աշխատակցի կողմից:
Գողության և գողության փորձի մասին նախկինում չի հայտնվել:
Տուժողից ընդունվել է հաղորդում:
Նախապատրաստվում են նյութեր: