Ոստիկանության Կենտրոնական բաժին բերվեցին խուլիգանության կասկածանքով

Հուլիսի 9-ին, ժամը 02.45-ին, ոստիկանություն է զանգահարել անհայտ քաղաքացի և հայտնել, որ Մաշտոցի պողոտայի և Պուշկինի փողոցի խաչմերուկում կռիվ է:
Հինգ րոպե անց ոստիկանության Երևան քաղաքի վարչության ՊՊԾ գնդի ծառայողները Մաշտոցի պողոտայից ոստիկանության Կենտրոնական բաժին բերման են ենթարկել հինգ երիտասարդի և Պուշկինի փողոցի բնակիչ, 40-ամյա մի տղամարդու: ՊՊԾ գնդի ծառայողները ներկայացրել են զեկուցագիր, որ նշված անձինք, կոպիտ կերպով խախտելով հասարակական կարգը, հնչեցրել են հայհոյաքներ, հարվածներ են հասցրել միմյանց:
Նախապատրաստվում են նյութեր: