Ընդունելություն ՀՀ ոստիկանությունում (ՏԵՍԱՆՅՈՒԹ)

Ապրիլի 20-ին ոստիկանության շտաբի պետ, ոստիկանության գեներալ-մայոր Արամ Զաքարյանն ընդունեց Հայաստանի Հանրապետությունում Չինաստանի Ժողովրդական Հանրապետության դեսպանության ռազմական և ռազմաօդային կցորդ, ավագ գնդապետ Լի Գուանյային:
Հանդիպման նպատակն էր քննարկել 2015 թ. մարտի 25-ին Պեկինում ստորագրված «Հայաստանի Հանրապետության ոստիկանության և Չինաստանի Ժողովրդական Հանրապետության հասարակական անվտանգության նախարարության միջեւ հանցագործությունների կանխարգելման և խափանման ոլորտում համագործակցության մասին» Համաձայնագրի շրջանակներում երկու երկրների իրավապահ համակարգերի համագործակցության զարգացման հնարավորությունը:
Ողջունելով հյուրերին՝ Արամ Զաքարյանը հույս հայտնեց, որ Հայաստանի և Չինաստանի ոստիկանական կառույցների ավանդական փոխգործակցությունը կշարունակի խորանալ՝ վերածվելով համատեղ աշխատանքի:
Լի Գուանյան շնորհակալություն հայտնեց ջերմ ընդունելության համար և հավաստիացրեց, որ կարվի ամեն ինչ համագործակցության մակարդակը էլ ավելի բարձրացնելու նպատակով:
Կողմերը պայմանավորվեցին առավել առարկայական դարձնել մինչ այժմ ձեռք բերված պայմանավորվածությունները:
Հանդիպման ընթացքում քննարկեցին փոխադարձ հետաքրքրություն ներկայացնող մի շարք հարցեր ևս: