Գողության կասկածանքով բերման ենթարկվածի ավտոմեքենայում հայտնաբերվել է լինգ, դանակ և այլ իրեր

Ոստիկանության Շենգավիթի բաժնի քրեական հետախուզության բաժանմունքի ծառայողները ստացված օպերատիվ տեղեկություններն իրացնելիս, հուլիսի 4-ին, ժամը 16.30-ին, Իսակովի պողոտայից «Տոյոտա Կորոլա» ավտոմեքենայով հանդերձ, գողություն կատարելու կասկածանքով բերման են ենթարկել Արարատյան զանգվածում ապրող 25-ամյա մի երիտասարդի։ Ավտոմեքենայի զննությամբ բեռնախցիկից հայտնաբերվել է այլ հաշվառման համարանիշներ, ունելի, լինգ և սպորտային հագուստ, իսկ սրահի պահոցից երիտասարդը ներկայացրել է 22 սմ երկարությամբ շեղբով դանակ:
Ձեռնարկվում են միջոցառումներ տուժողներին պարզելու և հաղորդում ընդունելու ուղղությամբ:
Նախապատրաստվում են նյութեր: