Էրեբունու փողոցում կատարված կողոպուտը բացահայտվեց
![Էրեբունու փողոցում կատարված կողոպուտը բացահայտվեց Էրեբունու փողոցում կատարված կողոպուտը բացահայտվեց](/timthumb?src=/resources/police/img/news/big/1527930117,5551.jpeg&q=75&w=780&wm=1)
Հունիսի 1-ին, ժամը 21-ն անց 35-ին ոստիկանություն զանգահարած քաղաքացուհին հայտնել է, որ Էրեբունու փողոցում երկու հոգի պարանոցից պոկել են իր շղթան ու փախել:
Մեկնած ոստիկանության օպերատիվ խմբին վերջինս մատնացույց է արել իր շղթան հափշտակած անձին: Ժամը 21-անց 50-ին ոստիկանները կողոպուտը կատարելու կասկածանքով ոստիկանության Էրեբունու բաժին բերման են ենթարկել 1994 թվականին ծնված Գևորգ Ղ.-ին:
Ձեռնարկված օպերատիվ-հետախուզական միջոցառումների շնորհիվ պարզվել է, որ կողոպուտը կատարած մյուս անհայտ անձը՝ 1994 թվականին ծնված Համլետ Գ.-ն է: Ոստիկանների բացատրական աշխատանքի շնորհիվ, նա հունիսի 2-ին, ժամը 00:30-ին՝ ներկայացել է ոստիկանություն, տվել խոստովանական բացատրություն և ներկայացրել ոսկյա շղթան:
Գևորգ Ղ.-ն և Համլետ Գ-ն ձերբակալված են:
Կատարվում է նախաքննություն:
Ովքեր տուժել են նրանց հանցավոր գործունեությունից, կարող են դիմել ոստիկանության մոտակա բաժին կամ զանգահարել՝ 1-02 հեռախոսահամարով:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: