Երիտասարդը բերման է ենթարկվել կողոպուտի կասկածանքով

Մարտի 18-ին, ժամը 00.14-ին, ոստիկանության օպերատիվ կառավարման կենտրոն զանգած քաղաքացին հայտնել էր, որ ինչ-որ մեկը Խանջյան փողոցի ակումբներից մեկի մոտ մի աղջկանից բան գողացավ ու մտավ այգի:
Մեկնած ոստիկանության Մարաշի բաժանմունքի և ՊՊԾ գնդի ծառայողները պարզեցին, որ Վարդանանց փողոցի շենքերից մեկի մոտ անհայտ անձը բացահայտ հափշտակել է մի կնոջ պայուսակը, որի մեջ եղել են փաստաթղթեր, զարդեր և այլ իրեր:
Ձեռնարկված միջոցառումների շնորհիվ ՊՊԾ գնդի ծառայողները, կողոպուտի կասկածանքով, Զավարյան փողոցից բերման ենթարկեցին 24-ամյա երիտասարդի:
Ձեռնարկվում են միջոցառումներ՝ հափշտակվածը հայտնաբերելու ուղղությամբ:
Նախապատրաստվում են նյութեր: