Աբովյանում կատարված կողոպուտը բացահայտվեց /ՏԵՍԱՆՅՈՒԹ/
![Աբովյանում կատարված կողոպուտը բացահայտվեց /ՏԵՍԱՆՅՈՒԹ/ Աբովյանում կատարված կողոպուտը բացահայտվեց /ՏԵՍԱՆՅՈՒԹ/](/timthumb?src=/resources/police/img/news/big/1534931169,3097.jpeg&q=75&w=780&wm=1)
Դեպքը հուլիսի 26-ին էր կատարվել` Աբովյանում: Օպերատիվ կառավարման կենտրոնից ոստիկանության Կոտայքի բաժնում հաղորդում էր ստացվել, որ իրենց է զանգահարել Քանաքեռի փողոցի մի բնակչուհի և հայտնել, որ տնից գողացել են պայուսակն ու դիմել փախուստի:
Օպերատիվ խումբը մեկնեց Քանաքեռի փողոց, պարզվեց` կատարվածը ոչ թե գողություն, այլ կողոպուտ է: Նույն օրը, ժ.10.30-ի սահմաններում, անհայտ անձը բնակարանի ննջասենյակից բացահայտ հափշտակել էր կնոջ պայուսակը, որի մեջ եղել էր դրամապանակ, փող, բանալի ու բանկային քարտ: Օգոստոսի 13-ին ոստիկանության Քանաքեռ-Զեյթունի և Կոտայքի բաժինների քրեական հետախույզների համատեղ միջոցառումների շնորհիվ կողոպուտ կատարելու կասկածանքով ոստիկանության Կոտայքի բաժին է բերման ենթարկվել Աբովյանի Նաիրյան փողոցի բնակիչ Գրիգորի Ս.-ն :
Հանգամանքները պարզվում են:
Գրիգորի Ս.-ն ձերբակալվել է:
Հարուցված քրեական գործի նախաքննությունը շարունակվում է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: