ՀՀ ՆԳՆ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:

Կրակոց զոքանչի տան մոտ. Մուշի ոստիկանների բացահայտումը

Հուլիսի 21-ին, ժամը 19.20-ին, 65-ամյա մի կին ոստիկանության Գյումրի քաղաքի Մուշի բաժնում հաղորդում է տվել, որ մոտ ժամուկես առաջ դստեր նախկին ամուսինը իր տան դիմաց զենքով կրակել է:
Հաղորդում ստանալուց 10 րոպե անց Շիրակացի փողոցից, խուլիգանություն կատարելու կասկածանքով, 37-ամյա նախկին փեսան բերման է ենթարկվել բաժին և խոստովանել, որ իրեն պատկանող որսորդական հրացանով մեկ անգամ կրակել է օդ:
Ձեռնարկվում են միջոցառումներ հրացանը հայտնաբերելու ուղղությամբ:
Բերման ենթարկվածը ներկայացվել է մարզի քննչական վարչություն:
Նախապատրաստվում են նյութեր:

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: